المساعد الشخصي الرقمي

مشاهدة النسخة كاملة : قبر الاخوين


diver1042
02-07-2010, 05:16 PM
*((قبر الاخو وين ))*
مثل طريقة هاك الطفل هاك
ـــــــــــــــــ
قبر الاخو وين زينب اتنادي ياعلي قبر الاخوين
ـــــــــــــــــــــــ
زينب اتقله ياحسين
في وين قبر اخليصي يابن الشفيه ياحسين
قلها يعمه ياحسين
هذا القبر لحسين عقب الذبح ضمه ياحسين
قامت اتنادي ياحسين
يحسين جيت اميسره وجملة اطفالي ياحسين
وهذي النساوين ياحسين
يحسين جات امحيره وتلطم الخدين
ــــــــــــــــــــــــ
جابت الراسه ياحسين
حطته فوق الحفرته لكن اضراسه ياحسين
بين البرايا ياحسين
كلها غدت امكسره ذيك الثنايا ياحسين
بالخيزرانه ياحسين
كلها ضربها ابن الدعيه ابراس لحسين
ــــــــــــــــــــــــ
قالت اشحاله ياحسين
بس مادفنته ابحفرته قلها اشحاله
لاتسأليني ياحسين
بسم ما دفنته ابحفرته هملت اعيوني
صدره المكسور ياحسين
نخره المنحور ياحسين
والقلب اللي انقسم اوصار نصين
ــــــــــــــــــــــــــــ
صاحت يزهراء ياحسين
هذا الحسين ابكربلاء مقطوع نحره ياحسين
كلها رميه ياحسين
يمه غدت امجزره اهل الحميه ياحسين
صدر الشفيه ياحسين
يم الحسن ضل منطحن وسط الميادين
ـــــــــــــــــــــــــــ
واراعي الجود ياحسين
جنب النهر متقطعه من عنده لزنود ياحسين
وحالة الهامه ياحسين
صارت يعمي امكسره من ضرب لعمود ياحسين
وسهم الذي جاه ياحسين
عينه طفاها يالاهل من ضربة اعداه ياحسين
وكلهم يشيعه ياحسين
اتذبحوا في كربلاء النصرة الدين
تمـــــــــــــت
*((طف كربلا ))*
اه من طف كربلا عالترب نايم يابني ياجاسم
هالصوت من قلبي اعتلا
اه من طف كربلا
يا بني اناامك واحاشيك بدموعي ياجاسم
من جمر قلبي اضوي لك شموعي ياجاسم
احني يم جسمك جفن عيني وضلوعي ياجاسم
شلون لديار الاهل يصبح رجوعي ياجاسم
وحدي محتاره قلبي وبناره
جفني بالدم عبتله
اه من طف كربلا

يابني ذوبني مصابك ياحبيبي ياجاسم
كَلي شيداوي جمر قلبي ولهيبي ياجاسم
وحدي محتاره واظل ارفع نحيبي ياجاسم
من يباري كبرتي بساعة مشيبي ياجاسم
عالترب عفتك يابني من شفتك
والروح صارت معوله
اه من طف كربلا


ريت عيني تعمى يابني ولا اشوفك ياجاسم
دمك النازف يخضب لك ﭼفوفك ياجاسم
شلون اعوفك على الترب شلون اعوفك ياجاسم
وانا نبع اسمي ينبع من حروفك ياجاسم
بالقلب ماتم والفرح ماتم
دمعات عيني هامله
اه من طف كربلا
عرسك اصبح يابني ونات ومصايب ياجاسم
حنتك حنة لي جفي بالنوايب ياجاسم
نايم بحر الشمس فوق ترايب ياجاسم
يابدر عمري اللي عن اجفاني غايب ياجاسم
مختفي نورك ونهدم سورك
هالسور منهو يكمله
اه من طف كربلا

يابني هالشمعه اعلقتها من جمرتي ياجسام
هلهلت انا بصدا وني وحسرتي ياجاسم
جيت احني جفك بحنة عبرتي ياجاسم
واذرف دموعي اذا تشوفك نظرتي ياجاسم
عيني اتشوفك داميه اجفوفك
عريس دمك يغسله
اه من طف كربلا
تمـــــــــت
انصب اقبور..لربع إبدور..بالطف إستشهدو
خابت إظنون..هاي لعيون..عالدموع تعودو
عالبنين الأربعه,,عالبنين الأربعه

الفلك بيه بس بدر واحد يضوي بسما ويلمع
وآنا بيتي إذا ليلي يجن تظهر بدور اربع
من صدور الولد جان الفخر بطفولته يرضع
صبح بيتي مثل مسجدالمجد بيه يسجد ويركع
ذكرياتي.. من حياتي..صارت احلام وهم
هاي للآم..ترمي لسهام..ماأدري احمل جم سهم
ماأدري جم سم اجرعه,,عالبنين الأربعه
==============================
على تراب البقيع اكعد كبور احفرهم لولدي
وتاني تحضرإجنايزهم وادفنهم بيدي
عجيبه اربع اولادي شلون تحملو بعدي
مثل شيعة علي جني وتاني طلعت المهدي
دمعي ممدود ..فوك الخدود .. طول غياب الولد
مايبينون..كلبي محزون.. لايجف ماي الورد
لونشف شي رجعه,,عالبنين الأربعه
===============================
صدك صرت آنا لولادي من بعيدا أكرا لزياره
الدهرما يرضا يرحمني صرت من ظلمه محتاره
علي برض النجف مدفون عليه إدموعي تتجاره
بنيني بكربلا إندفنو صدك هالدنيا غداره
وحدي ظليت.. والله مليت..من حياتي وعيشتي
دمعي منثور.. يم ها لكبور.. خلي احفر حفرتي
جسمي اصفر مضجعه,,عالبنين الأربعه
=============================
شلت ماي الورد بيدي اليميني وبيساري ازهور
اعاينها اذبلت مثلي كبل لا تنترس لكبور
إسمعت ماي الورد يصرخ ياحره طولو لبدور
نشف بيدي صحت آنا ياماي الورد مأجور
شرد أجازيك .. ما أوفيك.. شاركتني بمحنتي
جفي مدفون .. جنت لي عون..يامعيني بقربتي
غافي ظل بمصرعه,, عالبنين الأربعه
=============================
كريت من الكتاب آيات كون الله بجت عينه
على اولادي الذي راحو فدوه لأسم أبو إسكينه
انشده عن كمرهاشم يطلبه كلبي بونينه
إذا ما ترجع كله بس رجع لي جفينه
يهدي لحسين أحلى جفين هالأمر ماينكر
ارد اجازيه ابني وهديه مني فد بوسة شكر
قبله مني موزعه,, عالبنين الأربعه
تمــــــــت
*((لطميه جار الدهر جار))*
جار الدهر جار عقبك يخويه بكربلاء
جار الدهر جار
جيتك من الشام ياحسين
خويه يضرغام ياحسين
تنادي يااهل الشيم والمع سجام ياحسين
وابنك السجاد ياحسين
يرفل بالاقياد ياحسين
ركب الهزيله نحله جار الدهر جار
جيناكم انزور ياحسين
ونذكر مصاب اللي جرا في يوم عاشور ياحسين
من عقب لخدور ياحسين
ضعتوا وبقيت امحيره وايتامي اتدور ياحسين
والقوم ظلام ياحسين
ماخلوا اخيام ياحسين
فروكل العايله جار الدهر جار
ذوبهم احسين ياحسين
بلسان حاله امن الترب يختي تعتبين ياحسين
يسمع لك اونين ياحسين
من السهم ماضل لي قلب سواه نصين ياحسين
نص السهم راح ياحسين
نص بالترب طاح ياحسين
صاحت الصوته معوله جار الدهر جار
نادته يحماي ياحسين
راسك درده اعلى الجسد هالجبته وياي ياحسين
ناداها بهداي ياحسين
للراس ماعندي جلد يانور عيناي ياحسين
مكسور صدري ياحسين
ممرود نحري ياحسين
مالي اكفوفي امناوله جار الدهر جار
قالت اخذ هاك ياحسين
راس الطفل ويالمهد وادفنهم اوياك ياحسين
يهناك يهناك ياحسين
يبن امي نومك باللحد وامشي بلياك ياحسين
يختي الوديعه ياحسين
بلغي الشيعه ياحسين
يبكوا ابمدامع هامله جار الدهر جار
يبن الاماجيد ياحسين
يمتى تطب النينوى وايامها اتعيد ياحسين
للظالم اتبيد ياحسين
عرشه تذر به الهوى والشمل تبديد ياحسين
وظلم ال اميه ياحسين
ناره سريه ياحسين
للموت تذكر كربلا جار الدهر جار
تمــــــــــــــت
((*اه من طف كربلاء*))
اه من طف كربلاء
ضعن ابوالسجاد نازل بيه ويالعايله
ـــــــــــــــــــــــــــ
قال يرجال الحميه ابها الارض نصبوالخيم
بيها نزلوا قال يالله ونزلوا لهاي الحرم
والمحامل رتبوها قال يرجال الشيم
والله الله ابحال زينب ها تراهيه امدلله
ــــــــــــــــــــــــــ
ماحلا ذيك الشمايل من ضعن زينب نزل
واقبلت تمشي الحره وياعباس البطل
وعلي الاكبر والهواشم حطوا بذاك النزل
ماحلا ذيك الحموله دارت ابها العايله
ـــــــــــــــــــــــ
اه لوتدري اشسوت كربلا ابذاك الضعن
للبقيع اقصد الزهراء اتجاوبك ام الحسن
نست كسر اللي ابضلعها اه من جور الزمن
تذكرالذيك المصايب والدمعها هامله
ــــــــــــــــــــــــــ
ويامصيبه النوح ليها ام الحسن قامت تنوح
مصاب سهم حسين ليها زيد الذيك الجروح
لوالزينب لوسبيها زيد اعليها النوح
لورباب التي تجيها وهامت ابذاك الفلا
ــــــــــــــــــــــــــ
لورضيع اللي تصوب بالسهم عند الحسين
سال دمه فوق صدره ويمه ضل شابح العين
لواصواب القمر لزهر بوالفضل دامي الجبين
لوالكبر لوالجاسم والله حاله مؤلمه
ــــــــــــــــــــــــ
لومصاب اللي تقيد بالحبل وهو عليل
بالمرض يرجف اويلي والجسم منه نحيل
ايصيح وين اهل الحميه وين عباس الكفيل
جامعه اوقيد اوسلاسل صاح يمه فاطمه
ـــــــــــــــــــــــ
واللي يردون الشفاعه شيعتي هاللي تحن
وعلى الشيعه صار وا واجب فرضك طول الزمن
ابجاه الله اوبرسوله وعلي حيدر والحسن
ابجاه دم احسين ذاك اللي جرا في كربلا
تمــــــــــــت

جنات علي
02-09-2010, 06:46 AM
كلمات معبره جدآآ

مشكور اخي

ويعطيك العافيه

موفق دوم

</i>

الصحيفة السجادية
03-09-2010, 04:25 PM
قصيدة رائعة


جزاكم الله ألف خير