المساعد الشخصي الرقمي

مشاهدة النسخة كاملة : قصيدة أنين أم البنين


زهراء عادل
03-20-2011, 08:10 PM
للمشرعه أتعنيت **** بلوعة كلب ناديت
وينك يراعي الجود **** يالبلفخر مشهود
_________
يبني من طيبه تعنت روحي لرض الغاضريه
طافــت هناك وتدّور تنشــد بذيج المسيــــــه
عنــك ودامي دمعها يهمـل لهـاي الرزيـــه
ظلت أتحوم وتنادي وين ابو الجف السخيه
يوليدي ياعباس **** ياشمعه يانبراس
من صوتي ونيت **** بلوعة كلب ناديت
_________
أنه أمك جيــت اداوي جرحــك الماذيك يبنـي
بعبرتي اتعثــر وناشــد عنك وماخذني ونــي
وجنـي اسمـع صوت منــك تنــده تكلي تدنــي
يمي عل الشاطي تره آني لشوفتي يمي تعني
بلهفه كصدته وشوك***وصدري بهضم مخنوك
هاي آنه يبني جيت **** بلوعة كلب ناديت
___________
ومن وصلت آنه الشريعه شاهدت بعيوني منظر
جني بالزهــره الزجيه حاضنه جسمــه التـــوذر
تنــدب بعبـــره حزينــه يبنــي دلالـــي تفّطــــــر
تغّسل اجروحه بدمعها توسده وتنده يالأزهـــر
بعدك تمادى الكوم **** واختك دهتها هموم
وهتز ثبات البيت **** بلوعة كلب ناديت
___________
لملمت دمعي وعبرتي ورحت اواسيها الوديعه
بحالة حسيــن وعياله والاشــد حالة رضيعـــه
لا تواســيني تكلي بطيــحة حسيـــن الفجيعــــه
بااله وآسيني بكمرنه اللي هوه فوك الشريعه
وآسيني بالسقاي **** الحرّم عليه الماي
ولهل الحدث حنيت **** بلوعة كلب ناديت
_________
بجفها تمسح دم ركبته وطبرته الصابت جبينه
واسمع الزهره تنشده عن شماله وعن يمينه
تكله يبني الجود وينه بنبره مهمومه وحزينه
زينـــب بلهفه تتــاني وفـــاض دلالي بونينـــه
دمعي لعتبها يسيل **** وبروحي ماضل حيل
يمها أون ضليت **** بلوعة كلب ناديت
_________
يبنــي من مثلك تولت فاطمــه مجلــس عزائه
تعنتــك صوب الشريعــه والوفي هذا جزائـــه
انــت اول من تفانه وللحُسيــن اعلــن ولائـــه
وهــذا ديدنــها الاخوه للأخـــو يبيّــن وفــائــه
يلي متــــت عطشان **** ونت ملكــت نهران
بهذا الامــر ضحيت **** بلوعة كلب ناديــــت
____________

للشاعر : عادل الحنبوزي