المساعد الشخصي الرقمي

مشاهدة النسخة كاملة : غيرك انه ماهويت ..1434ه


جبار البطاط
10-12-2012, 03:03 PM
خدمتي يحسين أقبل خدمتي

غيرك انه ماهويت ابدنيتي

ــــــــــ

شلي بعيوني اذا ماتجري ألك

شلي بلســـــــاني أذا مارتلك

لذتي بالدنيــــــا من أتوسلك

وأكعد ابابك وتجري دمعتي

ــــــــــ

ريت بالمجلس يحفرولي لحد

عن عـــــزائك حتى لاما أبتعد

آه يحسين ومصـابه أبقه أرد

ميت انه وحتى تسمع صرختي

ـــــــــــ

تشوفني ابمجلس عزائك كالغريب

امضيع أهله فــاكد الخل والحبيب

عن خيالي لحظه أقسم ماتغيب

ولوغبت عن عيني أعلن توبتي

ـــــــــــــ

قــبل لاتمشي وتعوف أم الخدر

وقـبل لاتتــرك رقيـــــــه تنتظر

وقبل لا أسمع يسل سيفه الشمر

كون قبل العاشر انه ابحفرتي

ـــــــــــــــ

أحسب لعاشــورك ومن يقترب

نبض كلبي يشير لطبول الحرب

أكول راح ارجع اشوفك بالغرب

وانه لاانصرك ابدمي ومهجتي

ـــــــــــــــ

كلبي يبقى ابعالم احــزانك أسير

هايـم وبالدنيــا ماأدري اشيصير

ابجي لاجن أحس مرتاح الضمير

كون ماأبجي أمـــوت ابحسرتي

ـــــــــــ

ويه سبعينك يريت انـــــــه جنت

وعله احدود الخيم جدامك طحت

اتلومني الوادم اذا لجــــلك نحت

ونه بحبك طــــــــــبرته هامتي

ــــــــــ

أفضـــل ألاعمـــال حبك سيدي

هيجي فسرلي غــرامك والدي

المايحـــبك كـــــال لامايهتدي

حسين يبني لاتعوفه أوصيتي

ــــــــــ

ــ

جبار البطاط

مناجات
10-13-2012, 01:41 AM
بسم الله الرحمن الرحيم
اللهم صل على محمد وال محمد وعجل فرجهم يا كريم
صح لسانك وطيب الله انفاسك الزكيه ,,

تقبل مني المرور والتحيه

عبد الحسين المنصوري
10-14-2012, 04:50 PM
اللهم صلي على محمد وال محمد أحسنت وطيب الله أنفاسك سيدنا

هاني الرميثي
10-27-2012, 01:45 AM
احسنت اخي واستاذي الشاعر ادامك الله عزا للمنبر الحسيني خاااااااااادمك هاني

جبار البطاط
11-15-2012, 07:13 AM
بسم الله الرحمن الرحيم
اللهم صل على محمد وال محمد وعجل فرجهم يا كريم
صح لسانك وطيب الله انفاسك الزكيه ,,

تقبل مني المرور والتحيه


جزيل الشكر والتقدير
للمرور والرد الطيب

الشاعر محمد العبودي
11-16-2012, 11:18 AM
غيرك انه ماهويت بدنيتي
البطاط
دائما مبدع
تحياتي

جبار البطاط
11-06-2013, 02:02 AM
الاخ الشاعر القدير ابوعباس
المنصوري شكرا لك
من القلب