ملتقى الشعراء

ملتقى الشعراء (http://www.nazaralqatari.net/multaqaa/index.php)
-   قصائد الاحزان (http://www.nazaralqatari.net/multaqaa/forumdisplay.php?f=133)
-   -   يا يمه اشتم هواج (http://www.nazaralqatari.net/multaqaa/showthread.php?t=107856)

سامي الكعبي 01-05-2018 02:52 PM

يا يمه اشتم هواج
 
وداعاً فاطمه . وداعاً فاطمه
يايمه اشتم هواج .وحيده ابلاضواج. غريبه اصبح وراج
يمه يمه يمه يمه
.......
اسنين عمري الخمسه من تذكرها زينب .يلتذكروني
روحي ديره من الهظم مهمومه تنحب.لاتلوموني
نار ورماد وحطب بالباب تلهب . تنظر اعيوني
اعثر ابحزنج يايمه ودمعي دم صب .يحرگ اجفوني
اندفع بابج يايمه وجنت اظن ريح
خطوتي مثل الدمع بس يوگف ايطيح
النذل لمن هجم.احس ضلعي انهشم.عله الحايط رماج
يمه يمه يمه يمه
وداعاً فاطمه. وداعا فاطمه
........
2

يدوي صوت الضلع مافارگني لحظه .بذني وناته
گلبي ماينسه ويعوف اشلون نبضه .وانتي دگاته
انكسر دين الله بمصابج وانتي فرضه.ومحكم اياته
من الم لوع المصيبه صحتي فضه .ابجمر لجماته
من تلاگه الباب والحايط سويه
نبت بسمار الفجايع والرزيه
ولعب سوط الغدر.عله امتون الطهر.سطر عينج عماج
يمه يمه يمه يمه
وداعاً فاطمه . وداعاً فاطمه
.........
3
بساحة الدار الحزينه النوح اسمعه . يمه مالومه
المحسن ايذوب ابمصابه وجنه شمعه.منه محرومه
دمه واتبده ابخضابه صعبه اجمعه.غابت ارسومه
اترس الدنيا ابنحيبي وكلي دمعه.ابفگده مهظومه
يا ترافة عودك الما تعرف الموت
من طحت علگاع سكته وماالك صوت
اشم عطر الرحيل.يدگ باب الدليل.صحت يمه فداج
يمه يمه . يمه يمه
وداعاً فاطمه . وداعاً فاطمه
........
4

شفت موقف اذهل الگاع وسماها.امجتف الوالي
ايصيح نصبر عألوصيه ولا سواها .نمضي منبالي
بين حيدر والزجيه وجدي طاها. عهدي للتالي
الگوم خانت بالنبوه و مبتغاها. الحقد متوالي
عالذمم داسوا يابويه ونكروا العشره
ما رعوا هيبة محمد وكسروا الزهره
يايمه بهلمصاب.انترس گلبج عذاب.الآجل گرب لفاج
يمه يمه . يمه يمه
وداعاً فاطمه . وداعاً قاطمه
..........
5
يمه مفجوعه ابعذابج يمه يمه .الفرگه تأذيني
الهوه الما بيه ريحه منج ما اشمه .لا تعوفيني
وين صدرج ارد احصنه وارد اشمه .ماتحاجيني
ليش منعاب وتكسر يجري دمه . طيح اسنيني
عله بيبان الجفن متحضره الدموع
ليش عفتيني يتيمه ابكسرالضلوع
العمربعدج ضياع.وصعب جرح الوداع.الارض تنعه وسماج
يمه يمه . يمه يمه
وداعاً فاطمه . وداعا ً فاطمه
.........
6
محنتج مليانه غربه الموت ناطر .ياخذ انفاسج
عيني رفت واعرفتها بهألمشاعر.اجرح احساسج
ابيا ذنب شجره الهادي وفرع طاهر.منگطع ياسج
الحسن وحسين اعله صدرج فكري حاير.وعلي يم راسج
شمس تتنقل احسج وين ما روح
جنه متلاگين روح وتحضن ابروح
عله اتراب الگبر .ذبل عود الصبر.اختنگ گلبي ونعاج
يمه يمه . يمه يمه
وداعاً فاطمه . وداعاً فاطمه
..... ..... ......
الليالي الفاطميه..1439
الحاج سامي الكعبي


الساعة الآن 12:16 AM

Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
support : Bwabanoor.com


HêĽм √ 3.1 BY: ! ωαнαм ! © 2010
جميع الحقوق محفوظة لمنتديات ملتقى الشعراء - نزار القطري

Security team