الموضوع: اشتياق
عرض مشاركة واحدة
#1  
قديم 07-08-2016, 10:55 AM
الشاعر ابولقاء البهادلي
عضو مميز
الشاعر ابولقاء البهادلي غير متواجد حالياً
لوني المفضل Cadetblue
 رقم العضوية : 6845
 تاريخ التسجيل : Nov 2013
 فترة الأقامة : 1888 يوم
 أخر زيارة : 09-18-2018 (09:36 AM)
 المشاركات : 588 [ + ]
 التقييم : 10
بيانات اضافيه [ + ]
افتراضي اشتياق



آنه ابن الشمس وعيوني تجدح نار

والخـــــاواني يبرد من يشم عطري

أنه ابن السبيل الروه كل عظشان

رغم العــــــوز كله ومانشف نهري

انا موشل دمه العدوان وكت الغيض

جم طعنة غدر تتشـــــرف بظهري

عالساتر اناطر غيرتي الشاجور

انا صگر العماره الماعفت وكري

جم دوب الصبر عاللي ذبح بالناس

خلص وكت العتب من خلصت صبري

وي ذوله الدواعش عندي كومه احساب

اريد اوفي بحســــــــابي ومايهم نحري

انا براية مُحمد حزمتهه الروح

وعلى عرس الشهاده حزمت امري

اريد اگطف عرجهم حتى تصفه الگاع

وازرعهه بورد والمسگه من عمري

وسام امن الشرف فوگ الصدر حطيت

حب حيــــــــدر علي متعلگ بصدري

ولو انطي العمر فدوه لبو الحسنين

اشد راية فرح لو جهـــــــزو گبري

*********

اعتذر من ادارة المنتدى والمشرفين والمراقبين والاعضاء والزوار

لفترة غيابي الطويلة وذلك بسبب خدمتي للمجاهدين الغيارى

الذين يضحون بالغالي والنفيس من اجل الارض والعرض



 توقيع : الشاعر ابولقاء البهادلي




لا تستوحشوا طريق الحق لقلة سالكيه

رد مع اقتباس