عرض مشاركة واحدة
#1  
قديم 11-14-2017, 11:55 PM
جابرالنجفي
خادم الحسين عليه السلام
جابرالنجفي غير متواجد حالياً
لوني المفضل Cadetblue
 رقم العضوية : 5062
 تاريخ التسجيل : Feb 2011
 فترة الأقامة : 2508 يوم
 أخر زيارة : يوم أمس (09:58 PM)
 المشاركات : 1,336 [ + ]
 التقييم : 10
بيانات اضافيه [ + ]
افتراضي مودة عترة الهادي - شوط كربلائي



بسم الله الرحمن الرحيم
اللهم صل على محمد وآل محمد وعجل فرجهم

مـَوَدّة عترتــــه واجــــب ( شوط كربلائي من جديد قصائدي ﻷستشهاد الرسول صلى الله عليه وآله )
*************
موَدّة عترته واجـــــــــــب === أبو الزهره النبي المختار
تركهم والحقـــد لاهب === عليهم أشـْعلوها النار
********
أمـُر الله إنترك ويلاه == بعــد ماغاب هادينه
كل عاصي إشـْتـَرَه دنيـاه == والله حـَرّفــــــــــــــوا دينه
حيدر ما رُفع يمنــاه == صـُبـَر عالضيم والينه
نسوها بيعته المظلــــوم == غدَه شرهم عليه إيحوم
تـَحمـّل واﻠﮔلب ﻣﻠﭽـوم
لبو الزهره الوصي إيخاطب === ﻳﮔلـّه واجهونـــــــي أشرار
يـِسـَمّوهم هذوله أصحاب === ما طاعــوا أبو الأطهار
****
خوارج عن حياض الدين == وإبكل نايبــــه إيظهرون
أحقاد إو ظلام إو بيــــن == عقيده فاسده إيحملون
تكفير إو دجل كل حيــن == والحيدر علي إيكرهون
ما عدهم أبد إيمــــــــــــــــان == عملهم من وحي الشيطان
هدموا للهدايه أركان
يوالي خطهــــــم الخايب === يظلـّون إبخزي وإبعار
تركوا بيعة الغالـــب === تركوا والد الأبرار
****
أبد ما أنصفوه اﻠﮔــوم == أبو الزهره ينادي الآه
رزايه من هذاك اليـــوم == لحد هاليوم من إعـْداه
لاﭽـن ما تركنه إلحـوم == نجاهد كل مـُعادي تاه
أنصاره ولا إنعوفـــــــــه == نبينه الفاض معروفه
جـُرحنه الهادي إيروفه
والكـُل ظالم إنحــــــــارب === نعيش إبهل حياة أحرار
وإبسيف الوصي الضارب === نواجـــــــه غلظة الكفـّار
****
إسـْوَتـْنـَه النبي المهيوب == نسيــــــــــر إبمنهجه لازم
للباري نطيع إنتوب == يغطـّي خيرنه الوادم
وإبحـُب الولايه إنذوب == ولايــــــة حيدره الغانم
نطرد كل حراميـّه == نحاربهــــــــم فدائيـّه
نطش الخير يوميـّه
وإبمنهج علي إنطالب === للعادل نصير أنصار
والغادر إلـَه إنحاســــــــــب === نحميهـــــــا الأرض والدار
****
يريت إوْيـَه الوديعه إبيوم == وداعــــــك يانبي الأكوان
نواسي حيدر المهمــوم == نودعك ياعظيم الشان
نشوف المجتبه المهضوم == نشوف إحسين بالأحزان
نعين إم الحسن بالنــــوح == نعين المرتضه المجروح
بعد عينك تذوب الروح
نلعن كل شقــــي ﭽـاذب === على فاطم تـَعـَدّه إو جار
للمهدي الولي إنعاتـــــب === ننادي إظهر يراعي الثار
********
مع تحيات شاعر أهل البيت / جابر النجفي




رد مع اقتباس