عرض مشاركة واحدة
#1  
قديم 04-30-2018, 11:44 AM
عبد الحسين المنصوري
عضو نشيط
عبد الحسين المنصوري غير متواجد حالياً
لوني المفضل Cadetblue
 رقم العضوية : 6077
 تاريخ التسجيل : Apr 2012
 فترة الأقامة : 2364 يوم
 أخر زيارة : يوم أمس (11:24 AM)
 المشاركات : 364 [ + ]
 التقييم : 10
بيانات اضافيه [ + ]
Na (17) مهدينا .. مهدينا



هلت الليلة أنوارة مهدينا ... ياطير زف أبشارة مهدينا
من حبه ما ملينه ... المهدي غالي علينه
مهدينا مهدينا
**********
جنة الحـياة ألبيه أحســـن بيه
وأيام عمري وياه فرح أكضـــيه
يجلي ظــــــلام الليلة ويضويه
بأنوار وجه المهدي شــــع عليه
هل الليلة أجمل ليلة مهدينا ... مثل القدر نحيله مهدينا
شــدة ورد بأيدنه ... المهدي غالي علينه
مهدينا مهدينا
***********
الليــلة فرحتنه بقدومـــة جبيرة
بميلاده ما تبقى بدليـلي الحيرة
الكون خاضـع لجـــله والتدبيره
بجفوفه مقرون العدل والغـيرة
مرفوعة بأيده الراية مهدينا ... ونحبه ولله هوايه مهدينا
بجف العطف ينطينه ... المهدي غلي علينه
مهدينا مهدينا
***********

يزيح الهموم المنتظـــــر بجفوفـــه
ويموت يوسف غيرة من يشوفه
من حقي أتغزل أظـل بحــروفه
وللموت أظلن منهجـة ماعـوفه
هوه الحياة وروحي مهدينا..أسمه شفاء جروحي مهدينا
مثل الهوى يمر بينه... المهدي غالي علينه
مهدينا مهدينا
***********
كل محب متعني وزهور بأيـده
وشوفت المهــدي يعتبرها عيده
الما يريـــد المنتظـــــــر ما ريــــده
خــــلي أفكـار الناصــــبيه تفــيده
من يظهر يبجيـهم مهدينا..ومن سيفه من يحميهم مهدينا
كل أحنه منتظــرينه ... المهدي غالي علينه
مهدينا مهدينا
***********
أنثر زهور وفــــرح كل سنيني
صورة طلعــــته ما تفاركَ عيني
ويالمهدي يارب العرش خليني
أحضن محبته وألزمــــه بجفيني
حبه سره بدلالي مهدينا ... وشكثر عندي غالي مهدينا
بدربه عهد خطينه ... المهدي غالي علينه
مهدينا مهدينا
***********
شاعر أهل البيت
الشيخ عبد الحسين المنصوري
07711904980




رد مع اقتباس