يتامه اليوم ياحيدر - تجليبه من جديد قصائدي في إستشهاد اﻷمام علي عليه السلام

بسم الله الرحمن الرحيم
اللهم صل على محمد وآل محمد وعجل فرجهم

يتامـه اليوم ياحيدر ( تجليبه من جديد قصائدي في إستشهاد اﻷمام علي عليه السلام )

وَيْ زينب يتامه اليوم ياحيدر
لازالت طــَبـُرْتــَك ياعلي تـِسـْعـَر
ـــــ
لازالت طـَبـُرْتـَك نازفه إبكل حين
ﯾﻠﭽمها المـُرائي إﻠﯾﺣﭽـي بـِسـْم الدين
والظالم يعيد الفاجعه والبين
كل يوم اليـُمر يتكاثر المـُنـْكـَر
ـــــ
كل يوم اليـُمر نذكر مـُصابك ذاك
طـُبروا هامتك وإهـْتـَزّت الأفلاك
والدين الحنيف إبكل زمن ينعاك
مُصابك يا أبو الحسنيين يـِتـْكـَرّر
ــــــ
مُصابك يا أبو الحسنيين ما ننساه
عدلك ياحليف إﻠﺣﮓ جفانه إوياه
ﺣﮔنه إنصيح ياوالي ألف ويلاه
ماشفنه العدل بعدك مشه إو أدْبــَر
ـــــ
ما شفنه العدل بعدك يحامي الجار
عـَدّوَك ياعلي إتـْعـَدّه علينه إو جار
لازالت تـِشـِب إبكل موالي النار
زمان الشر تـَحـَكـّم بينه وإتـْجبـّر
ــــــ
زمان الشر تـَحـَكـّم بينه وإتـْعـَدّه
جاهدنه إو محينه الغازي إبـْحدّه
إبن ملجم إجانه إو رحمه ما عـِنـْدَه
يريد إيعيد مأساتك يبو شـُبـّر
ـــ
يريد إيعيد مأساتك أعادينه
لأن إحنه إلـَك للدوم والينه
لعين المايـِحـِبـّك فارﮔـه دينه
ما يقبل إلهي أعماله بالمـَحـْشـَر
ـــــ
ما يقبل إلهي أعمال عدوانك
وإلأحسان يابو إحسين عنوانك
تعاله وإرتفع للعالي إيمانك
نواليك إبعلم ياساﮔـي الكـَوْثـَر
ـــــ
نواليك إبـْيقين إو مانـِزِل عنــّك
جواز الخير باﭽــر نا خــِذَه مـِنـّك
مـَنـْخـَيـّب يمولانه غدا ً ظــَنــّك
ﺗﻠﮔــانه إلــَك مولاي نــِتـْنطـــّر
__________
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dldaxw07943.mp3.html