آني الزهراء إبسامره - عكيلي من جديد قصائدي ﻷستشهاد اﻷمام علي الهادي عليه السلام

بسم الله الرحمن الرحيم
اللهم صل على محمد وآل محمد وعجل فرجهم

آنـي الزهـراء إبـْسامـرّه ( ﻋﮔيلي من جديد قصائدي في إستشهاد اﻷمام علي الهادي عليه السلام )
********
آنـي الزهــــــــراء إبسامـــــرّه === أحيي إمـْصاب الهادي إو أمره
*******
أحيي إمـْصاب الهادي إو يومه == جيــت آني إبحزني المظلومه
ناديت المهدي إو مهضومه == وينـــك بتــّارك نــِنـْتـَظـْرَه
****
وينك يوليدي إيـْفجعونـــي == كل يوم إعداكم يرموني
وإبـْسـَم جدّك هـَم سمـّوني == وإتـْعنـّيت اليـــوم الحضره
****
وإتـْعـَنـّيت اليوم إوياهــــم == شيعة حيدر ما أنساهم
ما ظل بيت إلكم لولاهـــــــــم == هـَدّتـْهـُم كل طاغي إتـْكـَسـْرَه
****
هـَدّتـْهـُم شهدتها الحومه == نحروه الباطل وإغيومه
وإنغاض إيزيد إو كل ﮔومه == وإنـْتصروا واني المنتصره
****
وإنـْتصروا واني إبحسراتي == لازالـــــــت تنزف دمعاتي
يالمهدي إو تـُعرف ثاراتــــي == ثار إحسيـن إو ثار العتره
****
ثار إحسين إو ثـــار إولادي == ما ينساه إيريده الهادي
والوالد للمهدي إينـــــــــادي == إنهض يومك أنظـُر فجره
****
إنهض يومك طال إعلينه == هذا إﻠﺣﮓ يـُمـّه إﻣْﮔـَدينه
والمؤمن تنظـُرلك عينــــه == يـِتـْألـّم وإيداري إبصبره
****
يـِتـْألـّم وإيريد إيشوفــــــــــك == كل مؤمن يهواها إﭽفوفك
وإيصير إبجيشك مـَيـْعوفـــــــك == واني أفرح إسمعها البـُشـْرَه
*********
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dld35t40444.mp3.html