إبوذيات في شبيه المصطفى صلى الله عليه وآله

بسم الله الرحمن الرحيم
اللهم صل على محمد وآل محمد وعجل فرجهم

إبوذيات في شبيه المصطفى صلى الله عليه وآله
--------------------
لـَصـْدور العِدَه إبـْيمناك سـَلـّيت ( مـَرّضـِت )
لبوك إحسين بالصعبات سـَلـّيت ( فـَرّحـِت )
منهم ﭽـَم جلف ملعون سـَلـّيت ( قتلت )
يالأكبر مثل حامي الحميــّه
ـــ
يالأكبر مثل حيدر يمينك ( يدك اليمنى )
يشيل الموت وإتحقـّق يمينك ( من القـَسـَم )
جثثهم عن يسارك عن يمينك ( جهة اليمين )
غدوا أموات من ﮔبل المنيــّه
ــــ
غدوا أموات وإبسيفك أجـَلـْهُم ( موتهم )
ملك الموت ﭽـَنــّك من إجـَلـْهـُم ( جاء لهم )
أخذ أرواح والباقي أجـّلـْهُم ( من التأجيل )
يموتون إبفزعهم هاي هِيـّه
ــــ
يموتون إبحقدهم من تراهم ( من الرؤيه )
عليهم خوف من سيفك تراهم ( نـِزَل )
نذاله إتـْغطـّي فعلتهم تراهم ( هـُمّ )
يالأكبر ياشباب الغاضريـّه
ـــــ
يالأكبر ياشباب الفاز كـَفـّه ( من الكف )
زودك بالصعاب اليوم كـَفـّه ( من الكفايه )
عن الدين سيفك زاح كـَفـّه ( أزاحه )
كل زيف إو دجل بيه الرديّه
ـــــ
كل زيف إو دجل حَظـّه مَناله ( ما نال )
والعاداك ما حقـّق مَناله ( مراده )
أواليكم واليعاديكم مَناله ( أنا لهُ )
ألـِعـِنـَه دوم يولاد الزﭽيــّه
---------
مع تحيات شاعر أهل البيت / جابر النجفي
إسمعوا الأبوذيات على هذا الرابط
http://www.wlidk.net/dldjug35868.mp3.html