ياعلي اليوم الرحيل - من جديد قصائدي لشهر محرم وصفر 1440 هجريه

بسم الله الرحمن الرحيم
اللهم صل على محمد وآل محمد وعجل فرجهم

ياعلي اليوم الرحيل ( هجري من جديد قصائدي لشهر محرم وصفر 1440 هجريه ) -------------------------
نازفات إعيوني === للسبي يَرْدوني
ياعلي اليوم الرحيل === والحمل بويه ثجيل
للسبي يَرْدوني
------------------
ياعلي اليوم إبْهمومي == وأعتـــذر من الشهيد
نازله إو كثرت غيومي == والدرب قاسي إو بعيد
غطـّت الآلام يومــــــــــي == ﮔلبي ما يـِشـْفـَه إو يهيد
وإبْتِدَه بالسير حومـــي == واجب أفضح كل عنيد
ما أخاف الظالـم === آني أخوي الغانم
ألعن الطاغي الذليل === والحمل بويه ثجيل
للسبي يَرْدوني
ــــ
ياعلي اليوم الضعينه == يحدي بيها الظالمين
وإحنه ﻧﺸﮔفها إبأدينه == ضربــة إسياط اللعين
والنظر يـِنـْصَب علينه == من عيـــون الشامتين
ريت ويّانه ولينـــه == كافل العيله الحنين
يحضر إيْبارينــــه === ينظـُر إلـْنـَه إبعينه
يرفع الرايه الكفيل === والحمل بويه ثجيل
للسبي يَرْدوني
ـــ
ياعلي اليوم الحيارى == صَبّن إدمــــوع الوداع
راحن إيروحن أسارى == كل أملهـــن بويه ضاع
والزمن قاسي إبْمساره == للعــــــدو الملعون طاع
جرحت الروح العباره == خارجيـن إعلينه شاع
واليعادي الحادي === وإحنه جدنه الهادي
صفوة الباري الجليل === والحمـــل بويه ثجيل
للسبي يَرْدوني
ــ
ياعلي اليوم المسيــره == والدرب ﻳﭽوي إو طويل
والوكت لاهب هجيره == جـــارح الروح العليل
واني زينبكم أميره == هِمّتـَك حيـدر أشيل
ثايره لا مو أسيـــــــره == والعدو يـِخـْسَه إو ذليل
هِمّتي إمن إحسيني === داخله إبتكويني
جرحي ﻳﭽمن بالدِليل === والحمــــل بويه ثجيل
للسبي يَرْدوني
ـــ
ياعلي اليوم إبحنيني == فارﮔتها كربلاء
إخوتي بيها إو بـِنيني == ودّعتهم بالعراء
صابره إو سكته ونيني == راح أواجه للبلاء
بويه ياريتك تجيني == تمسح إدموع الرجاء
ما تظل آلامي === لو تِحِل جدّامي
شوفتك للهم تزيل === والحمل بويه ثجيل
للسبي يَرْدوني
ــــــ
ياعلي اليوم المصيبه == مــن أعوفـَنـّه الحُسين
دامي والجثـّه تريبـه == راسه بالعالي الطعين
فارﮔـه ﮔلبي إبْنحيبه == مرّت إطيــوف السنين
ريت هادينه حبيبه == ينظـُر إلأبنه الأمين
هذا إبنه إحسينه === جدّد إبعز دينــــه
صوته يـِشـْفيه الغِليل === والحمــــل بويه ثجيل
للسبي يَرْدوني
-----------------
مع تحيات شاعر أهل البيت / جابر النجفي
إسمعوا القصيده على هذا الرابط
http://www.wlidk.net/dldmbr01641.mp3.html