|
#1
01-09-2009, 12:51 PM
|
|||||||||
|
|||||||||
مرثيه بذكرى دفن الاجساد الطاهرة
من وزن الطويل --- دفنته وجيت -- شعر – دكتور كاظم جاسب المعقلي ------------------ يعمّه لاتنشديني ------ على حسين وتحيريني أون رديــت ياعمّه دفنته وجيت ياعمه يعمه لاتنشديني ------------ يعـــــمّه ابقـــدرة القادر ---- اراضي الله انطوت لجلي خطـُوتين وشفت روحي ---- يعمه ابنص جثث أهــلي يمنظر ماشــــــفت مثله ---- ولاشايف بشــــــــر مثلي ردت كون الشمر يمهم ---- يعــمــه ويــــــامر بجتلي اگع يم منحر احسيني حزن عماتي غـــطانــي اله انهدّيت -- ياعمه ---- دفنته وجيت -- ياعمه ---- يعمه لاتنشديني ------------- يعمه اعلى الجسد صلت ---- ملايكة الســــــــما ابلوعه تون اهـــل العرش كلها ---- تصيح ابصرخه مسموعه تعــزي الزهـــره ياعمه ---- الحزينه البينا مفجوعــــه نزل جبريــل اله اتعــنه ---- يلم بأوصــــاله مكطوعه كرب يمي ويواسيني محمد يمــــه يشجيني وأهالي البيت -- ياعمه ---- دفنته وجيت-- ياعمه---- يعمه لاتنشديني ------------ يعمه ووالدي اشــحاله ---- لمن فوك الترب شــــفته ذبيح وماشفت راســـه ---- شأسولف من شفت جثته تدنيت وبســــت نحره ---- بســت ايد امه من بســته لكيت الزهـــره ياعمه ---- تلم بجـروحه حاضــــنته صحت يالزهره عينيني اعــزّيــج وتعـــزينـــي بأبوي المَيـْت -- ياعمه---- دفنته وجيت -- ياعمه ---- يعمه لاتنشديني ------------ يعـــمه وجدتي الزهــره ---- حزنها اعظم جبل يفطر غيوم الفاجعـــه اتلاكــت ---- غدت فوك الوجن تمطر يعمه ومن شـــلت عودي---- تشــــاهد فاطمه المنظر فجعها وعالضــلع لطمت ---- دوت صرختها عالمنحر يعمه اتكلـــي خلــينــي انا بلحد ابني دنينـــي اله اشتاكيت-- ياعمه---- دفنته وجيت-- ياعمه ---- يعمه لاتنشديني ----------- يعمه وطشـَّت اعيــوني ---- دمعها الحامي عالغبره لمن شفت اعلى تربتها ---- دما السايلها من نحره شفت خنصر شبل حيدر ---- يعمه ومنكســـر ظفره لجـــن رديــــته للجــثه ---- وتعنـــيت اللحد كبره اشـــيله وروحي تنهيني تدارك حيلي تدرينــي متت ياريت -- ياعمه ---- دفنته وجيت -- ياعمه ---- يعمه لاتنشديني ----------- دفنته وصـــــــارت ابلحده ---- مناحه امن اسمعت صوته رضيعي ايگلي عد صدري ---- ادفنه بصـــــــدري تابوته خذت عبد الله ياعــمــــــه ---- واحس بروحي مفتوتـــــه وضعته اعلى الصدر واهجس ---- كطع من خافــــقي ابتوته صعد لأهل السما اونيني لون ســاعتها شــــفتـيني انا احتاريت-- ياعمه---- دفنته وجيت -- ياعمه ---- يعمه لاتنشديني ---------- دفنته وبالــــكبر كـــلبــــي ---- دفنـــتــه بلحده ياعــمــه رضيعه اعلى الصدرجبته ---- توســَّــد صدره المدمـَّـه و لعد رجليـــنه مددتـــــه ---- علي الاكبر وذر يمــــــه هلت تربــــــــان الموادع ---- بديــَّـه ابگبـــر ابو اليمه دفنت اوياهم اســــنيني بعد عـمه اشــيســـليني وحيد امسيت -- ياعمه ---- دفنته وجيت-- ياعمه ---- يعمه لاتنشديني ----------- رحت للعلكمي ابحســــره ---- أهل اعيـــوني بجروفه شــــفت عمي وسهم عينه ---- شــــــفتها الرايه ملفوفه شـــفت جربه اوعمد يمها ---- لكيت امكطعه اجفوفـــه على الشاطي ادفنت عمي ---- اباء وغيره معروفــــه دفنت الغيره بيــــــميني نكع كبره ابدمع عـــيني لمن هليت-- ياعمه ---- دفنته وجيت -- ياعمه ---- يعمه لاتنشديني -----------
7/1/2009 10- محرم 1430 هـ 
|
|
01-11-2009, 03:40 AM
|
#2 | ||
|
شاعر أهل البيت(ع)
|
|
||
|
|
|
12-28-2009, 03:37 PM
|
#5 | |
|
عضو جديد
|
قصيده رائعه وحزينه ومؤثره
عظم الله لكم الاجر وطيب انفاسكم وزاد في حسناتكم شاعرنا وخادم اهل البيت في المقطع السادس في البت الرابع ( كطع من خافــــقي ابتوته)مالمقصود بـ(ابتوته) |
|
|
|
|
12-28-2009, 04:42 PM
|
#6 | |
|
عضو جديد
|
بارك الله فيكم مولانا الدكتوركاظم
كلمات رائعه وتصوير أروع تم نسخ القصيدة لتقديمها لطمية في ليلة الـ 13 في الحسينية ... بعد إذنكم ونسأل من الله لنا ولكم القبول أسمى تحيات خادمكم |
|
|
|
|
12-30-2009, 01:53 AM
|
#9 | |
|
عضو جديد
|
بسم الله الرحمن الرحيم
اللهم صل على محمد وال محمد الرجاء من الدكتور كتابة الكلمات بالخط الاسود لكي يتسنى لنا الطبع و القراءة و شكرا |
|
|
|
|
12-31-2009, 01:30 PM
|
#10 | |
|
خادم الحسين عليه السلام
|
بوركت من مبدع واحسنت يااستاذنا الكبير على هذه المرثيه العظيمه دعائي لكم بالتوفيق والعمرالمديد00تلميذك جبارالبطاط
|
|
|
|
 |
| أدوات الموضوع | |
| انواع عرض الموضوع | |
|
|
العرض العادي
